Mas barato gihapon sang P3 kada kilo ang presyo sang local rice ipaanggid sa imported apisar nga naglaslas si Bagyo Kristine kag apisar may 3.6 million metric tons sang imported rice subong sa pungsod.
Base ini sa latest report nga ginplastar sang Department of Agriculture (DA).
Sa Metro Manila markets suno sa ahensya, ang retail prices sang local regular milled rice ang nagatupa sa P42 kag P47 per kilo ipaanggid sa retail price sang imported regular milled rice nga P45 per kilo.
Sa local premium rice, ang presyo ang nagalab-ot sa P50 kag P58 per kilo ipaanggid sa imported premium rice nga P52 tubtub sa P60 per kilo.
Una na nga ginpahayag sang economic managers nga ang retail price sang imported rice ang maganubo sang P7 per kilo kun iimplementar na ang Executive Order 62 nga amo ang nagpahanugot sa 15-percent tariff sa imported rice halin sa anay 35 percent.
Una man nga ginsiling ni Agriculture Secretary Francisco Tiu Laurel Jr. nga ang expected full impact sang EO 62 ang mabatyagan pa sa January 2025 bangud ang demand sa pagkaon ang masami nagatimbuok sa Disyembre.
As of Oct. 17, may yara sang at least 3.6 million metric tons sang imported rice sa Pilipinas nga kadam-an naghalin sa Vietnam. Ang iban pa nga ginkuhaan amo ang Thailand, Pakistan, Myanmar, India, China, Japan, Cambodia, Italy, kag Spain.
Ang local rice harvest naman para sa wet season ang nagsugod sang Septyembre kag natalana ang peak subong nga Oktubre.
