Wala untat ang pagsaka sang local transmission sang COVID-19 sa syudad sang Iloilo.
Sa interview sang Bombo Radyo kay Iloilo City Mayor Jerry Treñas, iya ginpahayag nga ang kadam-an sa mga local transmission ang nagikan sa mga close contact sang COVID-19 patients sang syudad.
Santo sa partial number sang COVID-19 cases nga narekord sang City Epidemiology and Surveillance Unit (CESU) – City Health Office (CHO), nagsaka sa 32 ang local transmission sang COVID-19 subong nga adlaw.
Ang 32 ka pasenyente sang COVID-19, ang nagikan sa nanuhay-tuhay nga barangay sa syudad sang Iloilo.
Suno kay Mayor Treñas, ang padayon nga pagsaka sang COVID-19 cases sa syudad, ang kasunod man sang asud-asud nga pagpatigayon sang swab test sa mga natumod nga close contact sang COVID-19 patients.
