DUBAI – Istrikto nga ginapatuman ang curfew kag ang pagsuksok sang facemask may kaangtanan sa Coronavirus Disease 2019 (COVID-19) sa Dubai.
Suno kay Bombo International Correspondent Ilyn Valladolid, nagalab-ot sa 100 Dirhams ang multa kun madakpan nga wala nagasuksok sang facemask samtang 8,000 Dirhams naman ang multa kun madakpan nga nagalapas sa curfew.
Ginpahayag ni Valladolid nga kasubong sa syudad sang Iloilo, 8:00 sa gab-i ang curfew sa Dubai kag may yara sang ginapatigayon nga pagpang-disinfect sa mga dalan.
Limitado man ang byahe sa Dubai kag istrikto ang pagbantay sang otoridad sa ginapatuman nga lockdown.
Sa subong suno sa natungdan, wala sila ginapahanugutan nga magguwa sa balay magluwas lang kun may yara sang importante nga transaksyon.
No work no pay naman ang iban nga empleyado nga apektado sang ginapatuman nga lockdown.
