Magabalik na sa normal ang operasyon sang Igbaras kag Miag-ao municipal police stations sa probinsya sang Iloilo.
Matandaan nga gin-lockdown ang duha ka nasambit nga police stations sang damlag lang bangud may mga police personnel nga nagpositibo sa coronavirus disease 2019 (COVID-19).
Sa interview sang Bombo Radyo kay Pol. Lt. Col. Joem Malong, tagpamaba sang Police Regional Office VI, iya ginpahayag nga nakapahibalo na sa talatapan si Iloilo Police Provincial Office Director PCol. Paul Kenneth Lucas nga nagnegatibo ang resulta sa swab test sang kalabanan nga mga pulis.
Sa Igbaras, sa 33 nga ginpaidalom sa test, 7 ang wala pa sang resulta; sa Miagao, 30 ang gin-swab test kag 1 ang wala pa sang resulta.
Ginpahayag ni Malong nga nadelay sa pag-abot ang test results ang iban nga personnel bangud sa lain sila nga quarantine facility gintest kag didto sila nagatinir.
Suno kay Malong, magabalik ‘effective immediately’ ang operasyon sang duha ka police stations.
