JHAPA, NEPAL – Anum na ka bes nga gin palawig ang lockdown sa Jhapa, Nepal kasunod sang pagtaas sang numero sang patay bangud sa Coronavirus Disease 2019 (COVID-19).
Suno kay Engr. Jese Mar Gallarde, sang Mayo 18 pa kun tani magatapos ang lockdown apang may na record nga duha ka casualty rason nga ginpalawig ang lockdown tubtub sa Hunyo 2.
Suno kay Gallarde, nagapang-apat ang Jhapa kun COVID-19 cases sa nasambit nga pungsod ang pagahambalan samtang ang mga lugar naman nga yara sa border sang India kag Nepal na record ang kalabanan nga kumpirmado nga kaso.
Ginpahayag ni Gallarde nga duha lamang sila nga Filipino ang na stranded sa Jhapa samtang may siyam naman sa Kathmandu kag bangud sini, wala ginpahanugutan sang gobyerno sang Pilipinas ang pagpatigayon sang chartered flight.
Humalin sang Marso 24, ginpahayag sang natungdan nga nagapabilin lamang sila sa sulod sang hotel matapos nga ginpauntat ang ila trabaho.
Sa subong, 516 na ang COVID-19 cases sa Nepal, 70 ang naka recover kag 3 ang patay.
