MICHIGAN, USA- Ginpalawig pa ang shutdown sa Michigan sa Estados Unidos bangud sa Coronavirus disease 2019.
Suno kay Michigan Governor Gretchen Whitmer, iya palawigun tubtob sa Mayo 15 ang stay-at-home order, samtang nagapadayun ang ila pagpakigbato sa virus.
Pahayag pa ni Whitmer, ginalift na niya ang restrictions sa pila ka mga negosyo lakip na ang paghampang sang golf.
Magapadayun naman suno sa gobernador ang social distancing, bangud ini ang isa sa mga pamaagi agud indi na maglapta ang virus.
Nahibaluan nga ang Michigan ang nakarekord sang 36,641 ka kumpirmado nga kaso sang covid-19 sa diin, nagdangat sa 3,085 ang patay.
