JAPAN – Kasubong nga normal sa gihapon ang pangabuhi sa Japan apisar sang ginapatuman nga lockdown.
Suno kay Bombo International Correspondent Father Garry Gestoveo, sa ila lugar sa Iwate Prefecture sa Morioka City, ginapahanugutan sa gihapon ang pagguwa sa balay apang wala man nagapabaya ang Japanese Government sa pagpahanumdom nga sundon ang preventive measures kasubong sang pagsuksok sang facemask kag kun mahimo, magpaidalom sa home quarantine.
Ginpahayag ni Father Gestoveo nga sa Tokyo kag Osaka, mas istrikto ang pagpatuman sang lockdown kag ginpatuman naman ang work from home arrangement.
Nagapabilin nga sirado ang ginbansagan nga Sakura areas ukon tourist spots samtang ginkansela naman ang tanan nga church activities sa Iwate Prefecture.
Sang nagligad nga bulan suno sa natungdan, may yara sang panic buying sa tissue paper apang sa subong, ginakulang ang supply sang facemask kag alcohol.
