SINGAPORE – Indi pa mahibalu-an kun bala may yara sang extension sa ginapatuman nga lockdown ukon circuit breaker sa Singapore bangud sa nagataas nga numero sang kumpirmado nga kaso sang Coronavirus Desease 2019 (COVID-19).
Suno kay Bombo International Correspondent Mercy Cacan, epektibo subong nga adlaw, Abril 7 ang ginapatuman nga lockdown kag ini ang magalawig tubtub sa Mayo 4.
Ginpahayag ni Cacan nga sa subong, bukas ang mga kalan-an apang para lamang sa take-out kag delivery services bangud nga hugot nga ginapatuman ang physical distancing.
Bukas man ang mga merkado kag supermarkets apang dapat nga magsuksok sang facemask kag sundon ang physical distancing samtang ginapaagi naman sa online ang klase sang mga estudyante.
Sa subong suno sa natungdan, kumpirmado na nga may yara sang local transmission sa Singapore ilabi na sa foreign workers nga nagatinir sa dormitory.
