JANIUAY ILOILO– Nagahilibion ang isa ka lola matapos ginhimuslan kag ginpatay ang iya anom ka tuig nga apo nga babayi sa Brgy. Matag-ob, Janiuay, Iloilo.
Sa interview sang Bombo Radyo kay Sherly Madez, lola sang biktima nga si Princess, iya ginpahayag nga tigpalanyaga sang naglisensya ang biktima nga mamuhin sa suba rason nga ginpasugtan niya ini.
Suno kay Madez, nakibot na lang siya nga halos isa na ka oras nga wala nakabalik ang iya apo.
Sang nagpadulong siya sa suba, nakit-an na lang niya nga nagalutaw na ang lawas ni Princess kag wala na sang kabuhi.
Ginkatingala pa gid niya suno kay Madez bangud sa kamaisan na nakita ang tsinelas sang biktima.
Naka-angkon sang mga lagob, pilas sa likod kag ulo si Princess.
Ginapatihan nga ginhimuslan antes ginpatay ang biktima.
Igapaidalom sa autopsy examination ang bangkay sang biktima agud matumod kun ano gid ang gintunaan sang iya kamatayon.
