NEW LUCENA, ILOILO – Bangkay na sang nakit-an ang isa ka lola nga una nga gin-report nga missing sang Mayo 28 sa Barangay Baclayan, New Lucena, Iloilo.
Ang napatay amo si Nanay Regin, 73, kag residente sang nasambit nga barangay.
Sa interview sang Bombo Radyo kay Rex Benal, nakakita sa bangkay, iya ginpahayag nga ginkakibot sini sang nakit-an ang biktima nga nagahigda sa isa ka bakante nga lote.
Suno kay Benal, sang nakit-an niya, gindumdom niya nga kanding ini, apang sang iya ginpalapitan, nakita niya ang bangkay sang tigulang.
Diri na kag nagpangayo sang bulig si Benal sa mga otoridad.
Nahibaluan nga ginkumpirmar sang himata sang lola nga nagasuprer ini sang balatian nga Alzheimer’s Disease.
Sa subong, nagapadayon ang pagpatigayon sang imbestigasyon sang kapulisan sa insidente.
