ILOILO CITY- Nag-angkon sang indi magnubo sa walo ka pilas ang isa ka babaye nga senior citizen matapos ginbuno ini bangud sa indi pagpautang.
Natabo ini sa Pidigan, Abra.
Base sa imbestigasyon, nagpadulong ang isa ka babaye sa balay sang tigulang para mangutang sang P2,000 apang wala sang may ipahumal ang mal-am.
Makaligad ang pila ka oras, nagbalik ang babae kag ginhagad ang mal-am nga magkadto sa bukid kag didto na niya ini ginbuno sang pila ka beses.
Nakaluwas naman ang biktima kag ginabulong sa ospital.
Nadakpan naman ang suspek kag pasakaan sang kaso nga frustrated murder.
