ILOILO CITY- Sang nagligad nga mga binulan, nabatian ninyo diri sa balita espesyal nga may isa ka 83-year-old nga lalaki nga nakabaton sang 11 vaccine doses, kag may isa man nga natublukan sang five doses sang vacine sa sulod sang tatlo ka adlaw.
Pamatii ini subong kay mas makibot ka kag basi magmurarat ang imo mata.
May isa ka 61-anyos nga lalaki sa Germany nga gin-report nga
90 gid ya ka doses sang Covid-19 vaccine ang gin-inject sa iya.
Suno sa otoridad, ginhimo niya ini bilang negosyo agud makabaligya sang vaccination certificates sa mga tawp nga indi luyag magpabakuna.
Ang lalaki nga gikan sa eastern German city sang Magdeburg,apang wala ginpangalanan ang gin-alegar nga nakabaton sang 90 shots sang Covid-19 vaccine sa pila ka vaccination centers sa eastern state sang Saxony sa sulod sang pila ka bulan antes madakpan ini sang damlag lang.
Suno sa otoridad, naggwa sa imbestigasyon nga ang tigulang nagapatublok sang bakuna sang halos tatlo ka beses kada adlaw.
Matapos madakpan ang iya modus,wala man ini ginpreso apang ginaimbestigagan bangud sa unauthorized issuance sang vaccination cards kag document forgery.
