Patay ang isa ka 74-anyos nga lolo matapos ginbuno sang 27-anyos nga apo sa Davao City.
Duha ka kutsilyo ang gin-gamit sang suspek sa krimen.
Base sa imbestigasyon, nakabati na lang sang gahod ang testigo sa krimen kag nabatian man nga nagsinggit ang tigulang nga nagapangayo sang bulig.
Sang iya ginlantaw, nakit-an niya ang duguon nga biktima nga may pilas sa dughan kag liog.
Nakit-an man ang suspek malapit sa crime scene.
Suno naman sa utod sang suspek, may problema ini sa paminsaron kag pila ka beses naman nga ginabalik-balik sa mental health facility.
Suno pa sa pamilya, makapila ka beses na man nga ginpahog sang suspek ang biktima.
Nagdesisyon na lamang ang pamilya nga indi na magpasaka sang kaso bangud man sa kondisyon sang suspek.
