Age does not matter, ilabi na gid kun para ini sa imo nga handum.
Yari ang isa ka feel-good story tuhoy sa isa ka lalaki sa Rhode Island sa Estados Unidos nga nakaangkon sang doctorate sa physics sa edad nga 89 anyos.
Ang lolo amo si Manfred Steiner nga may yara na nga daan sang medical degree kag doctorate sa biochemistry.
Suno kay Steiner, nahaylo siya sa physics sa edad nga 70 sang nag-retire na siya sa iya trabaho bilang hematologist sa Brown University.
Old dream na ang physics para kay Steiner bangud bata pa lang siya, luyag na niya mangin physicist.
Antes makuha ni Lolo ang amo nga degree, nagpaninguha gid siya nga makasulod sa iya duha ka klase kada semana tubtub nga na-defend niya ang iya thesis nga “Corrections to the Geometrical Interpretation of Bosonization.”
