ILOILO CITY – Wala na sang kabuhi sang nasapwan ang isa ka senior citizen sa sapa sa Balibagan Este, Santa Barbara, Iloilo.
Ginkilala ang biktima nga si Serafin Natividad Jr, 68.
Sa interview sang Bombo Radyo sa anak sang bitkima nga si Che, ginpahayag sini nga wala ini makamutik nga naglakat ang iya amay kag ginpahibalo lang ini sang iya mga kasilingan nga si alyas Teloy nga nasapwan ang iya amay sa sapa nga patay na.
Ginapatihan nga nakadanlog ang biktima bangud indi na ini makalakat sang maayo matapos nga gin-stroke.
Nagapati naman si Che nga wala sang foul play sa kamatayon sang iya amay.