ILOILO CITY — Patay na sang masapwan sang pamilya ang isa ka 73 anyos nga lalaki sa sulod sang iya hulot sa Brgy. San Jose San Miguel Iloilo.
Ang biktima ang gikilala kay Rogelio Bonitillio sang amo nga lugar.
Sa interview sang Bombo Radyo ginpahayag ni PO3 Billy salvilla sang San Miguel Police Station nga naghikog ang biktima gamit ang de dose nga pugakhang sa diin hul-ab gid ang iya bug-os nga nawong.
Naggwa sa imbestigasyon nga wala lamang ginhatagan sang kabilinggan sang pamilya ang nabatian nga lupok sang tinalikdan nga adlaw halin sa sulod sang hulot ni Bonitillo kag nadiskubrehan na gid lamang ini gab-e sang masunod nga adlaw.
Ginapahayag nga ang masami nga pag-isahanon ang nagtulod sa biktima sa pag-utas sang iya kaugalingon nga kabuhi.