Patay ang isa ka tigulang nga lalaki matapos napit-alan sang natumba nga puno sang lubi ang iya ginaistaran nga payag sa MacArthur,Leyte sa paglaslas sang bagyo Tino.
Ang biktima amo si alyas “Max”, 78-anyos, biyudo kag residente sang Brgy. Romualdez sa amo nga banwa.
Ginpahayag nga nakit-an na lang ang tigulang nga wala na sang kabuhi samtang natampukan sang nawasak niya nga payag nga natumbahan sang puno.
