Daw ano ikaw ka-loyal sa imo nga trabaho? Madaog mo ayhan ang rekord sang isa ka Lolo nga masobra walo ka dekada nga nagtrabaho sa isa lang ka kumpaniya?
Ini nga Lolo amo si Walter Orthmann, 100, residente sang Brusque, Brazil kag sang damlag lang nakasulod sa Guinness World Record bangud napamatud-an nga siya ang pinakamalawig nga nagtrabaho sa isa lang ka kumpaniya.
Nakahibalo ka kun ano ka lawig? 84 anyos!
Nag-umpisa si Orthmann sa pag-trabaho sa factory floor sang isa ka company nga kilala subong nga RenauxView — kumpaniya nga nagahimo sang fabrics.
Sunod diri, nasaylo si Orthmann sa administration kag nangin sales manager.
Sekreto sini amo ang masami nga pag-stretch kag pag-maintain sa iya nga diet.
Pahayag sini, ginalikawan niya ang mga maasin kag matam-is nga mga pagkaon kag ang tanan nga makapalain sa iya nga intestines.
Wala man ini naga-inom sang soda.
Bangud sa iya extraordinary accomplishment, yari ang simple nga panugyan si Orthmann sa mga tawo nga nagahandum man sang maayo kag fulfilling nga professional life: Una, ‘do what you love’, kag ikaduha, likawi ang junk food. ##
