Ginbawian gid sang kabuhi ang isa ka 67-anyos nga lolo matapos nga ginlabo sang iya kaupod sa ilimnan sa Barangay Quipot, Janiuay, Iloilo.
Ang biktima amo si Jefrey Rapista samtang ang suspek amo si Tangloy Roche kag lunsay residente sang amo nga barangay.
Base sa imbestigasyon, sang nagpauli na ang biktima halin sa ilimnan, nagsunod ang suspek nga may bitbit nga binangon.
Samtang nagakatulog ang biktima, nagpanuktok ang suspek kag ginbuksan sang asawa sang tigulang.
Nagpalapit ang suspek sa nagakatulog nga biktima kag ginlabo.
Halos nagseparar gid ang liog sang tigulang bangud sa madalom nga pilas tuga sang paglabo sa iya sang suspek.
Natigayon naman nga maaresto ang suspek kag nahunong na sa Janiuay PNP.
