ILOILO CITY – Magapungko bilang commander sang 3rd Infantry Division si Brigadier General Marion Sison tal-os kay Lieutenant General Benedict Arevalo nga amo man ang commander sang Armed Forces of the Philippines – Visayas Command.
Si Sison ang isa sa mga bag-o nga opisyal sang Department of National Defense nga gin-appoint ni Ferdinand ‘Bongbong’ Marcos, Jr.
Nagpungko siya bilang assistant divison commander sang 3rd Infantry Division matapos ang masobra sa tatlo ka tuig nga pagpungko bilang 301st Infantry Brigade commander.
Siya ang myembro sang Philippine Military Academy “Sambisig” Class of 1991.
Lakip sa mga posisyon nga gin-uyatan sini amo ang Joint Intelligence Task Force Sulu Commander, Assistant Chief of Staff for Personnel, kag Assistant Chief of Staff for Intelligence sang Philippine Army.
Nangin Assistant Chief of Staff for Logistics man ini sang 3rd Infantry Division, Commanding Officer sang 79th Infantry (Masaligan Battalion), kag Acting Commandant sang Division Training School.
Nagpaidalom man ini sa Command and General Staff Course sa Armed Forces of the Philippines Command and General Staff College kag naga-uyat sang master’s degree in Public Management, major in Development and Society sa Development Academy of the Philippines.
Nakabaton man ini sang nanari-sari nga mga awards kag decorations nagikan sa Armed Forces of the Philippines lakip na ang Distinguished Service Medal, Distinguished Service Star, kag madamo pa.
