Ginpanginwala ni Senador Loren Legarda ang mga alegasyon batok sa iya kag ginklaro nga nag-file siya sang medical leave sa Senado suno sa mga yara sa patakaran.
Ini nga statement ang ginpaguwa matapos nga gin-flag sang Office of the Ombudsman bilang “suspicious” ang sunod-sunod nga pag-extend ni Legarda sang iya medical leave.
Para sa senadora, wala sang basehan kag indi matuod ang mga akusasyon batok sa iya.
“Neither I nor anyone else deserves to be subjected to unfounded accusations over the exercise of one’s legal rights. I have committed absolutely no wrongdoing,” pahayag sini.
Ginpangabay man niya ang publiko nga tan-awon ang tiyempo kag sahi sang mga alegasyon antes maghatag sang paghukom ukon ano man nga espekulasyon.
Pahayag sang senador, nagasalig siya nga malimpyuhan ang iya pangalan kag mapamatud-an ang kamatuoran sa tion nga maguwa na ang mga ebidensya.
“I remain confident that once the facts come out, we will be vindicated,” dugang niya.
Natabo ang iya pagguwa sa pungsod sa tunga sang mga reklamo nga plunder kag graft batok sa iya, sa iya anak nga si Representative Leandro Leviste, kag kay former Energy Secretary Alfonso Cusi bangud sang ginaalegar nga graft kag plunder nga naga-involve sang alleged ghost solar projects nga nagabalor sang masobra sa P10 billion.
Nag-file siya sang medical leave sa Senate Secretariat sang Aug. 3-5, gin-extend sa Aug. 11-12, kag ginpalawig pa gid sa Aug. 17-19. Bangud sini, absent siya sa impeachment trial kag Senate sessions halin Agusto 3.
