Ginkumpirma sang Office of the Ombudsman ang pagpasaka sang plunder kag graft complaints batok kanday Senator Loren Legarda kag anak nga si Batangas Rep. Leandro Leviste.
Ini may kaangtanan sa kontrobersyal nga solar energy projects sang kongresista.
Suno kay Ombudsman Jesus Crispin Remulla, yara na subong sa preliminary investigation stage ang complaints ukon ang final stage sang imbestigasyon antes desisyunan sang prosecutors kun ipasaka ang complaints sa korte.
Suno kay Remulla, ang amount sa complaints naga-involve sang P10 billion apang ang na-damage nga natuga sini sa gobyerno ang ginabanta ginatos ka bilyon ka pesos.
“Kumuha sila ng exclusive service contracts sa buong Pilipinas na sila lang ang maaaring mag-produce at gumamit at magbenta ng solar energy na talaga namang taliwas sa batas ng Diyos kasi ang araw ay para sa lahat ng tao. Parang sila ang nagmamay-ari ng araw,” suno kay Remulla sa press briefing.
“Ghost electricity. Pangako nila magpo-produce sila ng kuryente. Pangako nila sa Philippine energy plan, nakalimbag itong dapat production na gagawin ng solar pero hindi nila ginawa. Binenta lang, kumita lang ng pera pero hindi nila ginawa. Kung meron silang ginawa, kakaunti, kakarampot,” dugang sang Ombudsman.
“Hindi naman makukuha ng 21-year-old [Leviste]… ‘yung prangkisa na exclusive kung hindi tinulungan ng nanay niya na chairman noon ng finance committee ng Senado. Ginamit niya ‘yung kanyang posisyon para makakuha ng prangkisa ‘yung anak niya,” suno pa kay Remulla.
Matandaan nga sang Enero, gin-anunsyo ni Remulla nga ginaimbestigaran nila si Leviste bangud sa pagbaligya sang iya firm nga Solar Philippines sa tycoon nga si Manny Pangilinan matapos nakakuha sang franchise agud magpatindog sang solar microgrids sa pila ka mga probinsya sang panahon sang administrasyon ni anay presidente Rodrigo Duterte.
Ginplastar naman ni Remulla nga naangot si Legarda sa complaint bangud wala nakakuha sang franchise si Leviste sang 2019 kun indi bangud sa bulig sang iya iloy nga amo ang chairperson sang Senate finance panel.
Una na nag-file ang Department of Energy (DOE) sang complaint sa Department of Justice (DOJ) batok kay Leviste kag sa lima ka officials sang Solar Para sa Bayan Corporation (SPBC) bangud sa ginaalegar violations sang Public Service Act.
Base sa complaint, napaslawan ang firm nga magtukod kag maghatag sang electric power sa customers kag end users sa mga remote, unviable, unserved, kag underserved areas base sa nasaad sa franchise nga ginhatag sang Kongreso sa idalom sang Republic Act 11357.
