Sulod na sa semi-finals sang National Basketball Association (NBA) playoffs ang Los Angeles Lakers matapos ginlutos sa Game 5 ang Portland Trail Blazers sa score nga 131-122.
Nanguna ang amerikano nga si Anthony Davis nga naka-rekord sang series high nga 43 points, nine rebounds kag apat nga assists.
Samtang may yara naman sang 36 points nga na rekord ang amerikano nga si LeBron James.
Wala naman nakahampang si Damian Lillard sang Blazers bangud sa knee injury.
Apang nagtinguha sa gihapon ang Blazers sa diin naka-rekord sang 36 points, anom nga rebounds kag pito nga assists si CJ McCollum samtang may yara naman sang 27 points kag pito ka rebounds si Carmelo Anthony.
Masunod nga ma-kontra sang Lakers ang sin-o man nga magdaog sa hampang sang Houston Rockets kag Oklahoma City Thunder.
