Notre Dame Cathedral
Nagpatawag sang pagsinapol ang alkalde sang Paris France matapos ang natabo nga sunog sa Notre Dame Cathedral.
Sa exclusive interview sang Bombo Radyo Iloilo kay Bombo International Correspondent Dennis Mana-ay, sang San Carlos Anilao Iloilo kag Presidente sang Hiligaynon Community sa Paris France, iya ginpahayag nga padayon pa subong ang ginahimo nga imbestigasyon sang mga otoridad sa natabo nga sunog sa diin ini ang ginatutukan ni Mayor Anne Hidalgo.
Sa subong, hugot nga ginadumilian ang pagpalapit sa simbahan.
President Hiligaynon Community in France
Ang ginapahanugutan lang nga magsulod sa lugar amo ang mga vendors kag mga residente nga naga istar malapit sa simbahan.
Nahibaluan nga nagpasalig naman nga maghatag sang ayuda ang chairman kag chief executive officer sang Louis Vitton nga si Bernard Arnault kag Francois-Henri Pinault, chairman kag chief executive officer sang Gucci.
Ang Louis Vitton ang magahatag sang $225.9 million kag magahatag man ang Gucci sang $112.8 milion.
Samtang, nagpalab-ot naman sang simpatiya ang mga world leaders kasunod sang natabo nga sunog.
