Nagpahanumdom si Reverend Father Carlo Noquez sa mga tumuluo nga sa sini nga kabuhi dapat palanggaon gid ang Diyos labaw pa sa tanan nga pagkabutang sang sini nga kalibutan.
Sa iya homily, ginpakigbahin sini nga kun kaisa nalimtan na sang tawo ang matuod nga manggad sa sini nga kalibutan banggud sa tuman sini ka palangga sa mga butang nga temporaryo lamang.
Suno pa kay Father Noquez, bangud wala sang tawo ginapasidunggog sa Diyos ang iya nga kabuhi kun kaisa nagabulag ini sa pagpalangga sa iya kaugalingon, sa iya pamilya kag sa mga tawo nga importante sa iya.
Amo man sina ang rason suno sa iya kun ngaa madali nagakasakitan ang tawo bangud wala ini nagadangop sang iya mga plano kag kadalag-an sa Diyos.
Pahayag pa sini, wala sang malain sa pagpalangga sang mga butang nga ginbugay sang Diyos apang indi dapat pagkalimtan nga dumdumon ini sa tanan nga pagkabutang.
Dugang pa sini nga nga tuman kaalwan sang Diyos kag dapat nga indi pag-abusaron ang iya kaayo bangud wala gid ini nagakalipat sa pagbugay pa sang mas manami, mas maayo, kag mas makabulig pa sa imo nga pagpanglakaton sa sini nga kalibutan.
