Excited na ang actress nga si Lovi Poe nga malantaw sang mga Pinoy ang Hollywood indie film nga “Bad Man” kun sa diin kabahin siya sang cast.
Mismo si Lovi ang nagkumpirma nga yara siya sa amo nga pelikula na bag-o lang gid nakatapos sang produksyon.
“So happy to finally announce being part of BAD MAN. Can’t wait to share more about this amazing film with an even more amazing cast! (Yes, this was the reason why I was in Alabama!),” pahayag sang aktres sa iya nga post.
Kaupod sang Filipina actress sa sini nga action-comedy movie amo sanday Seann William Scott (“American Pie”), Johnny Simmons, Rob Riggle (“21 Jump Street”,”The Other Guys”) Chance Perdomo, kag Andre Hyland.
Ginsulat ini nga pelikula halin sa matuod nga istorya kun sa diin bida ang isa ka wild man state police officer nga nag-abot sa banwa kun sa diin puno sang problema sa iligal nga droga. Dira kag nag-away sila gilayon sang local deputy samtang ila ginatinguhaan nga masolbar ang kaso nga murder.
Ini nga pelikula ang una man nga tion nga nag-direct si Michael Diliberti nga co-writer man sang screenplay kaupod si JJ Nelson.
Target sang producers nga makakita sang distributors sa nagapadayon nga Berlin International Film Festival.
Antes sini, naka-partisipar man si Lovie sa duha ka iban pa nga Hollywood films nga amo ang “The Chelsea Cowboy” kag “My Sister’s Bones” nga pareho nga wala pa napakita sa publiko.#
