Sunod-sunod ang exposure sang Filipina actress nga si Lovi Poe sa Hollywood!
Ang pinakauli nga nakumpirma nga proyekto sini amo ang pelikula kaupod sa Canadian actor nga si Adam Beach kun sa diin ang maga-direct kag maga-produce amo ang “Prison Break” kag Marvel – “Agents of S.H.I.E.L.D.” series director nga si Garry A. Brown.
Ang bag-o nga proyekto sang aktres ang maga-sentro sa matuod nga istorya sang decorated Native American fire captain nga si Paul Fullerton. Si Lovi ang magadala sang papel ni Marie nga amo ang asawa ni Paul.
Ginapahayag nga matabo ang shoot sang pelikula sa Dallas, Texas subong nga tuig.
“Couldn’t be happier to share this with you guys. Really grateful for the opportunity to work with such amazing filmmakers and be part of the inspiring true story of Paul and Marie Fullerton,” suno sa aktres.
Antes sini, bag-o lang nakatapos si Lovi sa filming sang US indie film nga “Bad Man” kaupod sa “American Pie” star nga si Seann William Scott.
Kabahin man siya anay sang Hollywood project nga “The Chelsea Cowboy” nga wala pa na-release sa publiko kun sa diin gintungdan sini ang papel sang British blues singer nga si Dana Gillespie.#
