ILOILO CITY – Ginmanduan na sang Supreme Court ang korte nga ibalik ang murder case batok sa duha ka suspek nga may kaangtanan sa pagpatay kay anay Vice Mayor Ramon Rojas sang Ajuy, Iloilo sang tuig 2008.
Sa exclusive interview sang Bombo Radyo Iloilo, ginpahayag ni Archie Rojas, anak sang ginpatay nga biktima, santo sa desisyon nga ginpagwa sang Korte Suprema, ginmando ang pagpasaka sang kaso nga murder batok sa negosyante nga si Vicente Espinosa nga pakaisa sang anay bise alkalde kag Lindsey Buenavista nga ginatudlo middleman sa plano nga pagpatay kay Rojas.
Si Espinosa ang ginatudlo nga mastermind sa pagpatay sa bise alkalde.
Una na ginpasakaan sang kaso nga murder ang pamilya Rojas si Espinosa kag Buenavista kaupod sa mga ginatudlo gun man nga sanday Dennis Cartagena kag Edgar Cordero.
Sa desisyon sang Supreme Court, gin-abusaran sang lower court poder sini sang ginbasura ang kaso batok kanday Espinosa kag Buenavista sa pihak sang findings sang Department of Justice nga ini ang may probable cause.
Nahibaluan nga santo sa ginsumpaan nga affidavit sang gun man nga si Cartagena, ginpahayag sini nga pagkatapos sang eleksyon sang 2007, ginplano ni Espinosa ang pagpatay sa bise alkalde.
Pulitika ang ginatudlo rason sa pagpatay sa anay vice mayor.