Nagtaas ang tyansa nga mangin isa ka bagyo ang isa ka Low Pressure Area (LPA) nga nagsulod sa Philippine Area of Responsibility (PAR) kagab-i, Septyembre 30.
Kun mahimo nga tropical depression, pagatawgon ini sa local name nga Paolo.
Ini man ang mangin una nga bagyo sa Pilipinas subong nga Oktubre kag pang-16 naman sa tuig 2025.
Ulihi nga nakit-an ang LPA sa kalayuon nga 1,105 nasidlangan sang Southeastern Luzon.
Base sa Philippine Atmospheric, Geophysical, and Astronomical Services Administration (PAGASA), mahimo ini mangin bagyo sa masunod nga 24 ka oras.
Posible nga pa-nakatundan naaminhan-nakatundan ang direksyon sini sa Philippine Sea sa masunod nga inadlaw antes ini mag-landfall sa Luzon.
Una na nga ginpahayag nga duha tubtub apat ka mga bagyo ang magasulod sa Pilipinas sa sini nga Oktubre.
