Nahimo na nga tropical depression ang isa ka low pressure area nga nasiplatan sa nakatundan sang Northern Luzon.
Suno sa weather bureau, ginakilala ini subong sa local name nga ‘Lannie.’
Base sa 5:00 bulletin sang Philippine Atmospheric, Geophysical and Astronomical Services Administration (PAGASA), ulihi nakit-an ang bagyo sa kalayuon nga 315 km nakatundan sang Sinait, Ilocos Sur. Dala sini ang kabaskugon sang hangin nga 45 km/h malapit sa sentro kag pagmadlos nga 55 km/h.
Wala pa sang ginpaguwa nga wind signal subong sa bisan diin nga parte sang Pilipinas.
Base sa track and intensity forecast, magahulag si Lannie pa-naaminhan nakatundan tubtub sa Lunes antes ini magliso pa-nakatundan naaminhan-nakatundan sa bilog nga forecast period.
Posible ini magguwa sa Philippine Area of Responsibility (PAR) subong nga aga ukon karon sa hapon.
Mahimo man suno sa bureau nga magbaskog ini bilang tropical storm karon sa gab-i ukon buwas sa kaagahon.#
