LPG, naglupok sa sulod sang isa ka kalan-an sa Iloilo City; 1 pilason

ILOILO CITY–Pilason ang staff sang Nick’s Dream Food Haus sa Rizal St. Iloilo City Proper matapos naglupok ang Liquified Petroleum Gas (LPG) sa sulod sang kalan-an.
Ang biktima amo si Janine Janeo, 22 anyos sang Barangay Gustilo, LaPaz, Iloilo City.
Suno sa mga staff sa nasambit nga kalan-an magaluto sila kuntani sa diin una nga ginbuksan ang LPG.
Apang nakabati ang mga staff sang matunog nga pagsirit halin sa LPG rason nga nagdalagan sila paguwa sa kalan-an.
Wala gilayon makaguwa si Janeo nga napilasan matapos ma-igo sang mga nagkalabuka nga crystal sa kalan-an.
Nahibaluan nga ang Nick’s Dream Food Haus ang ginapanag-iyahan ni Nick Peñasales.