Target sang syudad sang Iloilo nga ma-amat amat na implementar ang modernization program ukon ang Local Public Transportation Route Plan (LPTRP) sa bulan sang Hunyo.
Sa interview sang Bombo Radyo kay Jeck Conlu, head sang Public Safety and Transportation Management Office (PSTMO), iya ginpahayag nga naplastar na sa meeting sang PSTMO, Land Transportation Franchising and Regulatory Board (LTFRB), kag Iloilo Provincial Government ang tentative schedule sang implementation apang gin-athag sini nga indi man insigida nga puro na modernized jeepney units ang makita nga nagabyahe.
Suno kay Conlu, gina-antisipar naman subong ang mga problema nga posible maatubang kadungan sang implementation — kaangay sang conflict sa tunga sang LPTRP sang syudad kag sang probinsya.
Ginpasigurado ni Conlu nga ma-address ini nga problema paagi sa ila sunod–sunod nga mga meeting.
Matandaan nga pito ka mga ruta ang gindugang sa idalom sang LTPRP:
- Tagbak Lapuz via Coastal Loop
- Bito-on La Paz via Coastal Loop
- Villa Jaro via Sooc / O ate / Festive Walk Transport Hub
- Tagbak Festive Walk Transport Hub via SM City / Atria
- Ungka La Paz via ISATU Loop
- Mohon Mandurriao Business District, kag
- La Paz Festive Walk Transport Hub via Nabitasan Loop
