Indi mahimo nga makansela ang Local Public Transport Route Plan (LPTRP) sa Iloilo bangud wala pa man ini
naaprubahan sang Land Transportation Franchising and Regulatory Board (LTFRB).
Ini kasunod man sang panawagan sang No to PUV Coalition Panay nga indi na lang pagdayunon ang Public Transport Modernization Program (PTMP) sa western Visayas.
Sa interview sang Bombo Radyo kay Ex-officio Board Member Ramon Sullano, Chairman sang Committee on Transportation sang Sangguniang Panlalawigan ng Iloilo, iya ginpahayag nga nagapabilin nga myembro pa ang Iloilo sang LPTRP rason nga indi gilayon ini maaprubahan.
Suno kay Sullano, antes ini maaprubahan, magaagi ini sa public consultation kag hearing antes nga ma-propose ang amo nga ordinansa.
Dugang niya may yara sang 67 existing rationalize routes sa Iloilo nga nga gin-modify.
Samtang, may yara sang walo ka national routes nga ginagamit bilang passenger magnet kaangay sang mga pantalan.
Nahibaluan nga Oktubre sang ginpasa ang revised nga LPTRP sa bahin sang LTFRB nga insigida man nga ginkay-o sang nasambit nga talatapan.
Ginkonsiderar diri ang passenger demands kag ang route alignment sang amo nga tikang.
