Masobra 100 ka tawo ang mga na-stranded sa North Harbor Pier 4 sa Tondo, Manila bangud sa pagkansela sang byahe sang barko.
Sa interview sang Bombo Radyo kay Viarson Viaro, locally stranded individual, iya ginpahayag nga Disyembre 3 kuntani ang iya nga byahe papauli sa syudad sang Iloilo sa diin Disyembre 2 pa lang, yara na siya sa puerto apang ginkansela ini kag gin-isol sa Disyembre 5 kag liwat na naman nga gin-isol sa Disyembre 8.
Suno kay Viaro, karton lang ang nagaserbe nga higdaan nila kag huyhuy subong ang iya abaga bangud wala na ini sang inug sustenir pa sa iya mga kinahanglanon bangud mahal man ang mga pagkaon nga ginbaligya.
Pahayag niya, ang iban nga mga kaupdanan niya nga stranded man ang isa na ka semana nga nagapabilin sa Pier 4.
Wala man sang may nag facilitate sang ila nga pagkaon kag bisan tubig wala man sang may nagahatag sa ila.
