ILOILO CITY – Pagasapulon ni Land Transportation Franchising and Regulatory Board (LTFRB) Region VI director Richard Osmeña ang tanan nga operators sa syudad angut sa aprubado na nga Local Public Transport Route Plan.
Ini agud nga mapasigurado nga wala sang may mahul-an nga mga driver sa tion nga mapatuman na ini.
Sa interview sang Bombo Radyo kay Osmeña, iya ginpahayag nga bukas ang iya opisina para sa mga drivers kag operators nga may pamangkot angut sa LPTRP.
Ang LPTRP suno kay Osmeña ang kabahin na sang modernization program sang gobyerno.
