Ginatinghuwaan sang Land Transportation Franchising and Regulatory Board (LTFRB) Region 6 nga lab-oton ang vlogger nga nagreklamo sa taxi driver bangud sa ginapahayag wala sang metro kag nagsukot sang P600 nga plete.
Sa interview sang Bombo Radyo kay Atty. Salvador Altura, Director sang Land Transportation Franchising and Regulatory Board Region 6, iya ginpahayag nga lain ang statement nga nagaguwa sa bahin sang vlogger kasunod man sang ginpaguwa nga statement sang moderator sang taxi driver.
Suno kay Garbanzos, gin-require niya nga magpasa sang narration of evidence ang operator sang taxi agud nga matumod kon magapatuman full pledge investigation.
Kon matigayon naman nga mag-progress ang imbestigasyon, i-require man ang vlogger nga magpasa sang iya nga pormal nga reklamo.
Sa karon, nagakoordinar na sila sa vlogger agud nga mabutang sa legal ang ginareklamo sini sa iya man nga video.
Sa amo nga vlog ni Mamita Lakwatsera, ginsiling sini nga makahuluya ang ginhimo sang taxi driver nga ginsukot siya sang P600 halin sa Iloilo City padulong sa airport sa Cabatuan kag wala naggamit sang taxi meter.
