ILOILO CITY — Ginpatpat sang Land Transportation Franchising and Regulatory Board (LTFRB) Region VI ang proseso sang pag-approve sang Local Public Transport Route Plan (LPTRP).
Ini kasunod nga nagaguwa sa data sang ahensya nga ang submission sang LPTRP sang mga probinsya sa Western Visayas ang yara pa lang sa 20% ang na aprubahan.
Sa interview sang Bombo Radyo kay Atty. Salvador Altura, Director sang LTFRB Region VI, iya ginpahayag nga yara na sa 37% ang naaprubahan nga LPTRP sa bahin sang mga syudad, samtang 3.39% naman sa kabanwahanan sa Western Visayas.
Suno kay Altura, naga-umpisa ang preparasyon sang ruta sa kabanwahanan samtang ang LTFRB naman ang magapatuman sang preliminary evaluation agud i-check kun ini ang may mga sala ukon revisions.
Ginpahayag man sini nga sa tion nga mapasa sang kabanwahanan ang proposed LPTRP kag liwat nga ibalik sa tagsa ka mga Local Government Unit (LGU).
Indi naman mapwersa sang ila opisina ang mga LGU nga gilayon magpasa bangud wala man sila sang control bangud yara sila sa idalum sang Department of the Interior and Local Government (DILG).
