Nagpahanumdom ang Land Transportation and Regulatory Board (LTFRB) nga nagapabilin sa P9 ang regular nga plete sa mga Public Utility Jeepneys apisar sang ginpatuman nga all time big price hike sa presyo sang produktong petrolyo.
Suno kay LTFRB executive director Tina Cassion, wala pa nakapaguha sang desisyon ang ahensya angut sa petisyon sang mga transport groups para sa saka sang plete.
Magluwas sa P1 nga saka sa plete, ginapangabay man sang mga transport groups nga pataasan sa P14 tubtob P15 ang regular nga pamasahe.
Gin-ako man sang LTFRB nga kinahanglan hatagan sang atensyon ang reklamo sa plete sa diin indi lang ang transport groups ang apektado gundi lakip na ang mga commuters.
