Gin-athag ni Land Transportation Franchising and Regulatory Board (LTFRB) Chairman Teofilo Guadiz nga indi anay pagdakpon ang mga pampasahero nga jeep nga wala nag-consolidate sa gintalana nga deadline sang ahensya kahapon, April 30.
Suno kay Guadiz, padal-an anay nila sang notice ukon show cause order ang mga operator sang jeep agud magpaathag kun ngaa indi ang mga ini pagkuhaan sang franchise.
Ginpahayag sini nga matapos ang 15 ka adlaw, magapangayo na sila sang bulig sa Land Transportation Office kag Philippine National Police agud dakpon ang mga indi consolidated nga jeep.
Gin-athag man sini nga ang consolidation ang first phase pa lamang sang modernization program.
Ginpasigurado man sini nga indi man pagkulangon ang byahe sa mga ruta kun madamo ang wala nakapa-consolidate bangud madamo man sang iban nga model services sa mga lugar kaangay sang bus, vans kag motorcycle service.
