Ginpanugyan sang Land Transportation Office-Region 6 (LTO-6) sa Police Regional Office-6 Anti-Cyber Crime Unit nga ipaidalum sa imbestigasyon kag ipasarado ang pila ka Facebook chat groups nga naga-tip sa mga motorista parte sa operasyon sang mga enforcer kag nagapakamalaut sa ila.
Suno kay LTO-6 Regional Director Atty. Gaudioso Geduspan II, ang pagpanugid sang real-time nga operasyon kag checkpoints nagapahamtang sang risgo sa seguridad sang publiko kag kabuhi sang mga enforcer. May ara pa sang mga grupo nga naga-promote sang peke nga transaksyon kag naga-post sang sala nga impormasyon batok sa LTO.
Ginpahayag sang ahensya nga ini nga mga tikang posible nga mahulog sa idalum sang Cybercrime Prevention Act (RA 10175).
Gindusò man sang LTO-6 ang publiko nga indi mag-upod sa amo nga mga grupo kag imbes, mag-report sa opisyal nga channels sang ahensya.
By: Bombo Lyka Sandiego
