ILOILO CITY – Bukas ang Land Transportation Office sa posible partnership sa Public Safety and Transportation Management Office tuhoy sa pag-deputize sang mga barangay official sa syudad sang Iloilo.
Sa interview sang Bombo Radyo kay Ms. Riza Otayde, tagpamaba sang Land Transportation Office 6, iya ginpahayag nga wala sang problema kun luyag sang Iloilo City Government nga magpakig-angot tuhoy sa nasambit nga plano.
Suno kay Otayde, kun magmato-mato ang ang Public Safety and Transportation Management Office sa pagpamuno ni Mr. Jeck Conlu, ang ila nga pagabasehan sa pag-deputize sang mga barangay official amo ang City Ordinance sa diin ang igahatag nga citation ticket sa mga violator ang iya sang Iloilo City Government.
Ginpahayag ni Otayde nga mas makapaayo para sa ahensya ang plano ni Conlu bangud nga limitado ang personnel sang Land Transportation Office agud nga magsaway kag magdakop sang mga naga-illegal parking kag ang mga nagasablag sa dalan.
