ILOILO CITY– Ginadumilian sang Land Transportation Office ang pagpasakay sang mga pasahero sa likod sang mga pick ups ukon cargo trucks.
Sa interview sang Bombo Radyo kay Land Transportation Office 6 spokesperson Riza Otayde, iya ginpahayag nga ang pagkarga sang mga pasahero sa likod sang pick ups kag cargo trucks ang mahimo magdala sang peligro sa kabuhi sang mga tawo.
Suno kay Otayde, ang likod nga bahin sang pick up ang gindesign lang para sa mga cargos kag indi para kargahan sang mga tawo.
Sa tion nga madakpan nga may yara sang sobra nga pasahero, hired man ini ukon depampasahero, pagamultahan sang P6,000 ang driver.
May yara naman sang mga deputized personnels nga magapanakop sang mga violators kaupod ang personnels sang LTO.
Dugang pa sang natungdan, madugay na ini nga ginapatuman, apang sa subong mas mangin hugot sa pagbantay sang violators ang LTO.
