ILOILO CITY– Nakahanda na ang Land Transportation Office sa pagdugok sang mga pasahero sini nga adlaw sa tagsa ka mga terminal sa palibot sang syudad kag probinsya sang Iloilo.
Sa interview sang Bombo Radyo kay Land Transportation Office Spokesperson Riza Otayde, iya ginpahayag nga may yara sang mga help desk ukon malasakit desk sa tagsa ka mga terminal sa palibot sang syudad.
Suno kay Otayde, ang nasambit nga mga malasakit desk ang mahimo palapitan sang mga pumuluyo ukon byahero agud magpamangkot sang destinasyon sang mga byahe.
May yara man suno sa iya sang mga motor vehicle inspectors nga magasekyar sang kondisyon sang mga salakyan, bangud kun may yara sang defects, mahimo nga ipa-untat ang byahe.
Dugang pa sang natungdan, may igahatag man nga mga information education materials sa mga byahero.
