ILOILO CITY – Nag-umpisa na ang Land Transportation Office (LTO) sa pagpatigayon sang inspection sa mga public terminal sa Western Visayas may kaangtanan sa palaabuton nga Semana Santa.
Sa interview sang Bombo Radyo kay Riza Otayde, tagpamaba sang LTO-6, iya ginpahayag nga kahapon nga adlaw, nag-umpisa ang inspection sa Bacolod City sa pagpanguna ni LTO-6 Director Roland Ramos samtang subong naman nga adlaw nag-umpisa ang inspection sa syudad sang Iloilo.
Sa pagkamatuod suno kay Otayde, kahapon pa lang nga adlaw, may na-deploy na nga mga personnel ang LTO nga attached agency nga Department of Transportation (DOTr).
Agud nga makalikaw sa disgrasya, dapat nga -icheck sang mga driver ang tinaga nga BLOW BAG ukon Battery, Light, Oil, Water, Brakes, Air kag Gas.
