ILOILO CITY — Nagpaandam ang Land Transportation Office (LTO) Region 6 sa mga naga-transact nga motorista sa mga fixer agud makakuha sang lisensya sa nasambit nga ahensya.
Sa interview sang Bombo Radyo kay Eric Lenard Tabaldo, Director sang LTO Region 6, iya ginpahayag nga may mga programa ang talatapan agud indi mabudlayan nga magkuha sang mga requirements antes maka-avail sang driver’s license.
Suno kay Tabaldo, lakip sa mga programa nga ginatanyag sang LTO amo ang libre nga driving lesson para sa mga may luyag nga magkuha sang permit.
Ginpahayag man sang natungdan nga kinahanglan anay may 15 ka oras nga makapaidalum sa driving lesson agud maka-avail sang student permit.
Gin-athag man sini nga gamay lang ang posible nga bayaran kun maka-avail sang mga libre nga programa sang talatapan, sa diin, ang pagagastohan lamang amo ang pagkuha sang medical.
Kinahanglan naman nga mapasaran sang applicant ang examination sang LTO agud nga makaproseso sang masunod nga mga kwalipikasyon.
Tuyo naman sang talatapan nga i-intensify ang operasyon batok sa mga wala nakarehistro, ilabi na sa mga motorsiklo bangud sila ang pinakadamo nga unregistered vehicle.
