Nagduso si Iloilo 2nd District Rep. Michael Gorriceta sang hagna nga magapatukod sa district office sang Land Transportation Office sa San Miguel, Iloilo.
Sa interview sang Bombo Radyo kay Gorriceta, nga amo ang principal author sang House Bill 5659, iya ginpahayag nga pasado na sa 1st reading kag may initial consideration ang nasambit nga hagna.
Suno sa mamalidha, dako ini nga bulig indi lang sa mga taga segundo distrito kundi sa mga kaiping mga banwa.
Ginpahayag sang natungdan nga sa tion nga matukod na ang opisina, indi na nila kinahanglan pa nga magpadulong sa Iloilo City ukon sa iban pa nga district offices sang Land Transportation Office agud magproseso sang mga dokumento kaangay na lang sang driver’s license kag mga rehistro sang salakyan.
Pinaagi sini, mas madamo man sang mga indibidwal nga mahatagan sang trabaho.
