Nagapanawagan ang Land Transportation Office (LTO) Region 6 sa publiko nga untaton na ang mga labutaw nga buluhatun pareho sang pagsaka kag pagsaot sa ibabaw sang tricycle, bangud ini delikado kag mahimo magresulta sa disgrasya.
Sa interview sang Bombo Radyo Iloilo kay Land Transportation Office Regional Director Atty. Gaudioso Geduspan II, ginpahayag sini nga indi angay buluhaton ang amo nga mga butang, para lang sa kasikatan kag social media exposure.
Suno sa iya, may posibilidad nga magresulta ini sa mas seryoso nga aksidente kag penalidad para sa paglapas sang kasuguan.
Gindugang pa niya nga ang LTO magahimo sang masunod nga tikang base sa mangin sabat sang mga indibidwal nga involved sa nasambit nga buluhaton, matapos ang pagpagwa sang show cause order sang LTO sa Ila.
By: Bombo Lyka Sandiego
