ILOILO CITY- Gin-lockdown ang opisina sang Land Transportation Franchising and Regulatory Board (LTFRB) matapos nagpositibo sa COVID-19 ang mga empleyado.
Sa interview sang Bombo Radyo kay Mr. Jeck Conlu, spokesperson sang COVID-19 Team sang Iloilo City Government, iya ginpahayag nga wala pa sang exact number sang mga infected.
Suno kay Conlu, may yara sang iban nga naka-home quarantine apang may iban naman nga naka-isolate sa sulod mismo sang LTFRB building.
Nag-umpisa ang lockdown subong nga adlaw kag wala pa sang pat-ud nga petsa kun san-o ini magabukas liwat.
