ILOILO CITY – Ginareklamo sang mga tricycle driver ang lubak-lubak nga dalan sa palibot sang Iloilo Terminal Market.
Sa interview sang Bombo Radyo kay Narciso Ubales, iya ginpahayag nga madugay na siya nga nagamaneho sang tricycle kag problema ang gubaon nga alagyan.
Suno kay Ubales, nagakaguba ang tricycle sa tion nga mag-agi sa lubak-lubak nga dalan kag nagareklamo man ang mga pasahero.
Kun tani suno sa natungdan, kaayuhon ang dalan sa baylo nga tapalan lang ang mga buho.
