Kun magkaon ka sang lubi ukon niyog, ano ang imu paborito nga parte?
Ang unod? ang iya juice ukon ang iya gata nga gina sahog sa sud-an?
Kun ano kadako ang niyog amo man kadako kag kadamo nga nutrisyon ang sarang mo makuha sa ini nga prutas.
Indi kaangay sang iban nga prutas nga mataas ang carbohydrates, ang niyog may yara sang mas madamo nga fats.
Suno kay Anne Danahy, isa ka registered dietician ang lubi ang may yara sang protein kag mataas ang manganese sini nga makabulig sa aton nga bone health, metabolism kag carbohydrates.
Manggaranon man ini sa copper kag iron nga maayo sa aton red blood cells, selenium kag importante amo ang antioxidant nga makaprotekta sa aton cells.
Madamo pa nga mga benipisyo kag nutrisyon ang sarang naton makuha sa lubi, humalin sa unod tubtob sa duga.
